ZGJEDHJE TË LIRA · DHJETOR
Flamingot
organizohen për
të ardhmen
e Shqipërisë.
Studentët dhe të rinjtë organizojnë zgjedhjet e tyre të lira dhe demokratike, të pafinancuara nga askush, për të përzgjedhur kandidatët e tyre për bashkitë.
Zgjedhjet do të jenë shprehje e vullnetit të lirë, pa asnjë ndikim nga forcat politike, biznesmenët apo organizatat.
01 / ZGJEDHJET
Dy raunde.
Në dhjetor.
- Zgjedhjet zhvillohen në muajin dhjetor, në dy raunde.
- Në raundin e parë, çdo bashki ka të paktën 5 kandidatë. Qytetarët e çdo qyteti votojnë për një person.
- Një profil mund të votojë vetëm një herë.
- Tre kandidatët më të votuar në çdo qytet zhvillojnë një debat publik dhe të hapur mbi pyetjet e studentëve dhe kalojnë në raundin e dytë.
- Nga raundi i dytë del vetëm një kandidat i përbashkët.
Këto janë zgjedhje të brendshme të studentëve dhe të rinjve, të veçanta nga zgjedhjet zyrtare.
02 / VOTIMI
Një person.
Një votë.
Për të votuar duhet të jesh mbi 16 vjeç në ditën e votimeve dhe të kesh një pasaportë ose kartë identiteti të vlefshme. Çdo profil voton në bashkinë e vendlindjes që figuron në dokument.
Studentët janë në negociata me kompani të huaja që do të bëjnë verifikimin e çdo profili me pasaportë dhe me foto nga smartfoni, procesi i njohur si KYC. Asnjë profil i rremë nuk do të mund të votojë.
Kujdes: gjatë regjistrimit shkruani vendlindjen dhe datën e lindjes saktësisht siç figurojnë në dokumentin tuaj zyrtar, pasaportë ose kartë identiteti, jo vendin ku jetoni. Përndryshe profili nuk do të mund të votojë.
03 / KANDIDATËT
Pa logo
partie.
Kandidatët që dalin nga lista regjistrohen nën një logo jopartiake dhe kanë liri veprimi, pa ndikimin e asnjë kryetari partie.
Kandidatët për zgjedhjet po përgatiten. Lista aktuale për qarkun e Tiranës nuk është përfundimtare dhe mund të përditësohet sipas aspiratave apo dorëheqjeve.
Për kandidatimet, na shkruani te listaestudenteve@protonmail.com.
Qarku Tiranë
Bashkia Tiranë
Përfshin edhe njësinë e re Rinas: fshatin Rinas, Bërxullën dhe Domjen.
Kandidatët
- Adriatik Lapaj
- Arlind Qorri
- Arvina Lleshi
- Brunela Mertiri
- Ditmir Bushati
- Ermal Hasimja
- Ermal Pashaj
- Florian Binaj
- Gentian Progni
- Ilir Alimehmeti
- Indrit Vokshi
- Irena Beqiraj
- Marjana Koceku
- Osman Stafa
- Panajot Soko
- Shpendi Gashi
04 / SHPRESA
Shpresa
rilind.
Të rinjtë dhe shqiptarët e lodhur nga tranzicioni do të ringjallin shpresën. Ata zotohen të luftojnë korrupsionin, nepotizmin dhe mungesën e meritokracisë që po e ndrydhin vendin, dhe aspirojnë të krijojnë kushtet për rikthimin e të gjithë shqiptarëve nga jashtë vendit në atdhe.
Studentët dhe të rinjtë ftojnë gjithë spektrin opozitar të marrë pjesë në zgjedhjet e tyre meritokratike.
Regjistrohuni për të marrë pjesë në votime.
05 / DETAJE TEKNIKE
Transparente.
E mbrojtur.
Platforma do të jetë plotësisht publike (open source) dhe do të publikohet në GitHub, pasi të ketë kaluar të gjitha testimet e sigurisë.
Çdo gjë do të jetë transparente dhe e auditueshme nga kompani që nuk kanë interesa në Shqipëri.
Platforma do t’i ruajë të dhënat e qytetarëve me masat më të rrepta dhe do të zbatojë rregullat më strikte europiane të GDPR. Vota do të jetë e fshehtë: askush nuk do të mund të shohë se kush votoi për kë, dhe emrat e votuesve nuk do të publikohen.
Në platformë nuk ka fjalëkalime, me qëllim: nuk ka asgjë për të harruar ose për t’u vjedhur. Hyni me llogarinë tuaj ose me një lidhje ose kod që ju dërgojmë në email.